Три сестри родени на ист ден со разлика од три години
Родителите од Флорида биле благословени три пати и ги дочекале сите три ќерки во ист ден со разлика од три години.
Кристин Ламерт, гордата мајка, изјави дека никогаш не очекувала дека ќе ги роди сите три ќерки во ист ден, но Софија (8), Џулијана (5) и Миа (2) очигледно имале други планови, пренесува People.
Иако секоја девојка има посебна приказна за тоа како дошла на свет, сите три се родени на 25 август – Софија во 2015 година, Џулијана во 2018 година и Миа во 2021 година
-Тоа е едноставно нереално, вели Кристин, „Не го планиравме тоа, но мислиме дека тоа е нешто навистина посебно и уникатно“.
Тројното чудо започнало во 2015 година кога Кристин била бремена со својата прва ќерка.
„Мојата бременост беше многу лесна. Немаше никакви компликации“, вели таа. „Кон крајот на бременоста имав редовни контракции, но ништо загрижувачки“.
Сестри родени на ист ден
„Со Софија требаше да се породам на 23 август, но се породив два дена подоцна“.
За време на нејзината втора бременост со Џулијана, Кристин имала постојана мачнина и тоа било „малку поголем предизвик“.
„Бебето одлично растеше“, се сеќава таа, „помислив дека е сосема можно ќерка ми да дојде малку порано. Но, бидејќи сè не одеше според планот првиот пат, знаев дека се зависи од неа. Моите лекари никогаш не би решиле да ме породат предвреме без причина“.
Наводно, можноста човек да роди три деца во ист ден во редовни интервали е 8 на 1 милион. Кристин вели дека таа и нејзиниот сопруг биле шокирани.
„Отсекогаш знаевме дека сакаме да имаме три деца со разлика од 3 години, но не планиравме тие да имаат ист роденден“, рече таа. „Никогаш не знаеш како ќе се одвиваат работите, но решивме да не „пробуваме“ за трето дете додека ќе бидеме прилично сигурни дека ќе се породам во септември. Но, очигледно Миа имала свои планови“.
Кога им кажале на своите две ќерки дека Миа пристигнала, девојките биле многу возбудени.
„Се сеќавам дека разговарав со девојчињата на мобилен телефон додека јас и мојот сопруг бевме во болница“, се сеќава таа. „Моите родители ги чуваа и возбудено чекаа на телефон вести за тоа дали нивната сестра ќе ги сподели нивните роденден со нив“.
Но, тие не го делат само роденденот, Кристин вели дека имаат и силна
