Три држави членки на ЕУ бараат враќање на визите за Косово?
Екс министерот за надворешни работи на Косово, Петрит Селими тврди дека три земји членки на ЕУ бараат суспензија на безвизниот режим за Косово.Тој вели дека ова се драстични и неприфатливи потези.
Селими вели дека информациите му се од европскиот Комитет за политика и безбедност.
Селими објави дека тие три земји размислуваат да побараат суспензија на средствата од ИПА-фондовите и на визната либерализација за Косово поради ескалацијата на ситуацијата на северот од Косово.
„Сега ни требаат конкретни решенија за Косово“, напиша Сељими.
Американскиот амбасадор во Србија Кристофер Хил денеска во Белград изјави дека САД се „апсолутно против“ потезите на владата на косовскиот премиер Албин Курти.
Хил потсети на зборовите на американскиот државен секретар Ентони Блинкен дека Приштина ќе ги сноси последиците за потезите што се спротивни на советите на САД.
Завчера имаше инциденти во Звечан, каде беа повредени најмалку 52 Срби. Имаше и повредени припадници на КФОР. НАТО испраќа 700 нови војници на Косово, а ако има потреба, ќе прати уште еден баталјон.
