„Трет круг“ избори за Карпош, фалат уште гласачи од Пустец

Во македонскиот политички простор се чини дека се појави „постизборен феномен“ насочен против градоначалникот на Општина Карпош, Стевчо Јакимовски.

Владејачката ВМРО-ДПМНЕ во обид за победа во општината и незадоволна од изборните резултати во оваа општина, иницирала „неофицијален трет круг“ избори, но на дигиталните платформи.

Последниве денови се води акција на социјалните мрежи. Активноста може да се опише како „војна“ чија цел е „да се создаде лажна паника и да се девалвира работата“ на градоначалникот Јакимовски, кој пак се бори за нов мандат.

Како аргумент за овие тврдења се гледа синхронизирана активност од „лажни профили“ или „ботови“ кои, според текстот, споделуваат „исти статуси, исти зборови, исти фотографии“ во координирани интервали.

Доколку овие наводи ги испратите за анализа на ChatGPT ќе добиете заклучок дека ова е резултат на нервоза потикната од видливите резултати во општина Карпош. Се додава дека „таму каде што има резултати, пропагандата нема ефект“ и дека граѓаните можат да направат разлика „кој работи, а кој зборува“.

Во вториот круг се борат Сотир Лукровски од ВМРО-ДПМНЕ, кој влезе со освоени 34.5% од гласвоите и актуелниот градоначалник Стевчо Јакимовски, поддржан од коалицијата „Искуство за успех“, кој бара петти мандат, а во втор круг влегува со 29.4%.

Лукровски ветува дека ако биде избран ќе престане бетонизацијата и урбаното дивеење. Вели во Карпош има два фронта, еден на потрошени играчи, непринципиелни коалиции и луѓе кои успеаја да ги распорадат парковите, а втората опција е онаа која ќе ја врати довербата кај граѓаните.

Стевчо Јакимовски ветува нови фасади, копање бунари, субвенции за фотоволтаици, проект за пензионерите да учат како да користат електронско банкарство. Јакимовски вети и субвенции од 2.500 евра за купување на електрични автомобили, како и обезбедување инфраструктура и полначи за истите.