Тренерот кој прави чуда во Шпанија седнува на клупата на Њукасл!?
„Марка“ открива дека чудотворецот шпанската Ла Лига е примарна цел на управата на Њукасл, која ќе мора да ја анализира далеку полошата ситуација на тимот во однос на минатата сезона. Црно-белите испаднаа од Лигата на шампионите, каде што во последното коло лесно можеа да останат барем во Лига Европа, додека во Премиер лигата се само деветти со дури девет порази од почетокот на сезоната и се доста далеку од нов пласман во елитното натпреварување.
Мичел, пак, прави импресивна работа во Жирона за која на големо се говори во Шпанија и Европа. Овој тим и натаму е на врвот на табелата со 45 бодови, исто колку и Реал Мадрид, па сонот за титулата се уште е жив. Мичел во неколку наврати повтори дека нема шанси да ја напушти Жирона до крајот на сезоната и дека фантазира за историски пласман во ЛШ, што е единствената цел на овој клуб
„Титулата? Нема да се залажуваме, бидејќи за тоа ни требаат 90 бода, па се уште веруваме дека Барселона, Реал Мадрид и Атлетико се главни кандидати. Нашиот сон е реален и се вика – Лигата на шампионите“, изјави неодамна Мичел.
Челниците на Њукасл ќе ги следат неговите резултати до крајот на сезоната, но истовремено ќе видат и дали Еди Хау ќе може да ја извлече оваа сезона и да го врати тимот на ланското ниво.
