Трендафилов: Црвен картон за судот за конфискацијата на работничката зграда
Претседателот на ССМ, Слободан Трендафилов, на денешниот протест по повод Меѓународниот ден на трудот – 1 Мај, рече дека судските инстанци „добиле црвен картон од синдикалната организација„ затоа што, како што рече, сакаат да ја конфискуваат зградата на Работничкиот дом (ССМ).
Претседателот на ССМ Слободан Трендафилов порача дека работниците даваат црвен картон на судот, појаснувајќи дека тоа се должело на направени обиди за притисок врз синдикатите.
-Денеска ние работниците се собравме пред Работничкиот дом, домот кој сакаат да го конфискуваат од нас за да го уништат синдикалното движење. Работничкиот дом пред кој повеќе од 70 години ги започнувавме сите протести, сите штрајкови и денеска го започнуваме големиот работнички протест. Ние работниците дадовме црвен картон на судот заради тоа што направи обид да изврши притисок врз синдикатите да ги уништи, дозволи функционерска чизма на вратот на работниците за да молчат, да бидат понизни, тоа што го направија денеска го гледаме на дело. Ние синдикатите, ние работниците, ние граѓаните, пензионерите сме сите тука денеска за да покажеме дека колку повеќе не напаќаат посилни не прават и колку повеќе пробуваат да ги уништат синдикатите ние се повеќе сме силни, порача Трендафиловски.
Синдикатот на денешниот протест ќе потсети на барањата за пораст на платите во приватниот и во јавниот сектор,за минимална плата во износ од најмалку 450 евра во првите 100 дена од новата влада, како и други барања.
Протестот продолжи пред Собранието на Република Северна Македонија и Стопанската комора и се очекува да заврши пред Владата.свс/дма/
