Тренчевска: Во периодот на празници мора да има ПОВЕЌЕ ЗА СИТЕ
Министерката за труд и социјална политика, Јованка Тренчевска денеска во посета на Крива Паланка и Куманово доделуваше пакети прехранбени продукти и пакетчиња за деца во рамки на активностите кои Министерството за труд и социјална политика ги спроведува за време на последните две седмици пред новата година.
Во Крива Паланка министерката Тренчевска на почетокот од денот се сретна со деца од подрачните основни училишта од руралните средини и додели нас 120 пакетчиња заедно со градоначалникот на Општина Крива Паланка, Сашко Митовски.
Тренчевска во рамки на посетата во Крива Паланка додели и пакети со храна на повеќе од 10 семејства од социјално ранливи категории на граѓани.
Министерката со активности продолжи и во Куманово каде исто така додели пакети со храна на социјално ранливи категории на семејства.
Тренчевска за време на посетите информираше и за финансиската помош која ја доделува Владата на Република Северна Македонија, особено министерката поттикнуваше за користење за мерките наменети за средношколците и учениците во основно училиште. Таа ги поттикна семејствата приматели на Гарантирана минимална помош да се пријават за користење на мерките истакнувајќи дека истите се креирани за да се олесни животот на граѓаните.
Целта на активностите под името „Среќата се споделува“ е да се негува култура на споделување точно во времето пред новогодишните и Божиќните празници.
