ТРАМП СЕ ЗАКАНИ НА ЗЕМЈИТЕ ОД БРИКС: Песков му врати
Новиот американски претседател Доналд Трамп им се закани на земјите членки на БРИКС дека ќе им ги зголеми царинските давачки за 100 отсто и дека можат да речат збогум на извозот во САД ако решат да создадат нивна валута и да го заменат доларот.
„Идејата дека земјите од БРИКС се обидуваат да се оддалечат од доларот додека ние стоиме и гледаме е завршена. Ние бараме посветеност од овие земји дека нема да создадат нова валута БРИКС, ниту да поддржат друга валута што ќе го замени моќниот американски долар или, тие ќе се соочат со 100 отсто царини и треба да очекуваат да се збогуваат со продажбата во прекрасната американска економија. Тие можат да одат да најдат други „морони“. Нема шанси БРИКС да го замени американскиот долар во меѓународната трговија, а секоја земја што ќе се обиде треба да се збогува со Америка“, напиша Трамп на социјалните мрежи.
Кремљ соопшти дека сите обиди на САД да ги принудат другите земји да го користат доларот ќе имаат контраефект откако новоизбраниот американски претседател Доналд Трамп се закани дека ќе воведе царини за сите земји од БРИКС доколку се обидат да создадат своја валута.
Според Песков тоа доларот почнува да ја губи својата привлечност како резервна валута, а одлуката на Трамп може да ја зајакне тенденцијата за преминување кон националните валути во меѓународната трговија.
