Трамп: Ниту Канада, ниту Мексико, ниту Кина не можат да ги одложат новите царини од денеска
Американскиот претседател Доналд Трамп изјави дека од денеска ќе воведе високи царини од 25 отсто за стоки од Мексико и Канада, како и 10 отсто за увоз од Кина и дека ниту една од тие три земји не може да направи ништо за да го одложи.
Сепак, Трамп ја спомена можноста за исклучок за нафтата од Канада, наведувајќи дека царината за тој производ ќе биде 10 проценти, а најави и дека кон средината на февруари ќе бидат воведени повисоки давачки за нафтата и природниот гас, што доведе до зголемување на цената на нафтата, објави тој е Ројтерс.
Американскиот претседател објасни дека овие цени ќе важат додека земјите не преземат поголеми мерки за намалување на протокот на мигранти и фентанил преку американската граница.
