Во станот на Васил претходно биле пронајдени марихуана и кокаин имал и соработничка со која заедно продавале

На 29 март 2024 година, полициски службеници спровеле претрес во два стана во Скопје, при што биле запленети вкупно 319,86 грама марихуана и 16,67 грама кокаин.

Претресите биле извршени откако двајца сведоци биле фатени со паковки марихуана, а по нивните искази, полицијата доби судска наредба за претрес на становите каде што ја набавиле дрогата.

Во првиот стан, кој го користел обвинетиот Васил, полицијата пронајде 14 помали пакувања со марихуана со различна тежина, како и две поголеми паковки со вкупна тежина од 23,95 грама. Дополнително, била запленета и една паковка со 0,24 грама кокаин.

Во вториот стан, кој привремено го користела обвинетата Л.Ј., биле пронајдени неколку најлонски ќеси со поголеми количини марихуана, вклучувајќи пакување од 101 грам, друго од 38,2 грама и уште неколку со различна тежина, со што вкупната количина марихуана во овој стан изнесуваше 279,3 грама. Покрај тоа, полицијата пронашла и 16,43 грама кокаин и две дигитални ваги со остатоци од дрога.

Според обвинението, Л.Ј. и В. дејствувале заедно, неовластено поседувајќи и продавајќи наркотични супстанции. Л.Ј. била фатена во моментот на предавање на пакување марихуана на сведоците, што ја потврдило нејзината поврзаност со случајот.