„ТРАМП ИМ ВОВЕДЕ ЦАРИНИ И НА ПИНГВИНИТЕ“: На списокот се најдоа острови населени само со овие птици
Група ненаселени острови во близина на Антарктикот, покриени со глечери и населени само со пингвини, се погодени и од трговската војна на Доналд Трамп.
Имено, американскиот претседател за нив воведе и царини на стоки од 10 проценти.
Островот Херд и Островите Мекдоналд, кои сочинуваат надворешна територија на Австралија, се меѓу најоддалечените места во светот. До нив може да се стигне само со двонеделно возење со брод од Перт на западниот брег на Австралија. Тие се целосно ненаселени, а луѓето последен пат стапнале таму пред речиси 10 години, пишува „The Guardian“.
The penguins have been ripping us off for years pic.twitter.com/984itnzxay
— Anthony Scaramucci (@Scaramucci) April 3, 2025
И покрај ова, островите Херд и Мекдоналд се на списокот на места кои ќе бидат засегнати од новите трговски тарифи.
„Никаде на Земјата не е безбедно“, коментира австралискиот премиер Ентони Албанес.
Откако се дозна дека тарифите на Трамп опфаќаат дури и области каде што никој не живее, набрзо почнаа исмејување на социјалните мрежи.
„Пингвините ни крадат со години“, напиша поранешниот директор за комуникации на Трамп, Ентони Скарамучи, кој сега е чест негов критичар.
The Heard Island and McDonald penguins have been taking advantage of us for too long – it’s about time we stood up to them! https://t.co/oVACbhjkZQ
— Tom Malinowski (@Malinowski) April 2, 2025
„Пингвините од островот Херд и Мекдоналдските Острови нè експлоатираат предолго. Време е да им се спротивставиме! напиша поранешниот конгресмен Том Малиновски на Х.
