Трамп го критикуваше рускиот напад врз Киев: „Владимир, застани!“
Претседателот на Соединетите Американски Држави, Доналд Трамп, денеска го критикуваше рускиот претседател Владимир Путин, откако Русија синоќа го нападна Киев со ракети и беспилотни летала.
„Владимир, застани! Не сум среќен поради руските напади врз Киев. Тоа е непотребно и се случува во многу лошо време“, напиша Трамп на социјалната мрежа „Truth Social“.
Тој го изјави ова еден ден откако рече дека претседателот на Украина Володимир Зеленски ги попречува мировните преговори за ставање крај на руската војна во Украина, пренесе Ројтерс.
