
ТРАМП ГИ ПАУЗИРАШЕ ЦАРИНИТЕ НА 90 ДЕНА – но Кина е исклучена, кон нив се зголемија на 125 отсто
Американскиот претседател Доналд Трамп најави одложување или запирање на сите царини со исклучок на оние поврзани со Кина.
Тој ја сподели објавата преку социјалната мрежа Truth Social.
„Врз основа на недостигот на почит што Кина го покажа кон светските пазари, со ова ја зголемувам царината што САД ѝ ја наплаќаат на Кина на 125 отсто, која ќе стапи на сила веднаш. Се надевам дека Кина, во не така далечна иднина, ќе сфати дека деновите на искористување на предностите на САД и другите земји станаа неодржливи и неприфатливи“, напиша Трамп, продолжувајќи:
„Од друга страна, и имајќи го предвид фактот дека повеќе од 75 земји се обратиле до претставници на Соединетите држави – вклучително и министерствата за трговија, финансии и Канцеларијата на трговскиот претставник на САД (USTR) – за преговори за решавање на теми поврзани со трговијата, трговските бариери, царините, манипулацијата со валутата и нетарифните мерки, како и фактот дека дека овие земји, на моја изречна препорака, не презедоа никакви контраиндикативни мерки на САД, 90-дневна ПАУЗА и значително намалување на реципрочните царини во тие периоди – на десет проценти, исто така со моментален ефект!
Светските медиуми пак јавуваат дека секретарот за финансии Скот Бесент појаснил дека најавата на претседателот Доналд Трамп за зголемување на царините за Кина на 125 отсто е „за лоши актери“, велејќи дека претседателот избрал да ги зголеми тарифите за Пекинг „поради нивното инсистирање на ескалација“.
„Како што постојано реков, а претседателот Трамп го кажува тоа со години, Кина е најнеурамнотежената економија во историјата на современиот свет и тие се најголемиот извор на трговските проблеми на САД. И навистина, тие се проблеми за остатокот од светот, бидејќи она што го видовме е дека, како што САД го објавија царинскиот ѕид минатата недела, многу од тие стоки веќе почнаа да се преплавуваат во Европа.
Сепак, секретарот за финансии инсистираше на тоа дека САД не се вклучени во „трговска војна“, и покрај спиралната несигурност бидејќи Кина и САД воведоа сè поостри царини едни на други.
„Не го нарекувам трговска војна, туку велам дека Кина ескалира, а претседателот Трамп одговори многу храбро на тоа и ќе работиме на решение со нашите трговски партнери“, рече Бесент.
Тој укажа на тековните преговори со другите нации во регионот, вклучувајќи ги Виетнам, Јапонија, Јужна Кореја и Индија.
И тој ги нарече зголемените тарифи „автогол“ на Кина.
Фото: Принтскрин/Тру