Трамп: Да не испратев војници во Лос Анџелес, тој град ќе изгореше до темел
Американскиот претседател Доналд Трамп денес изјави дека со испраќањето војници во Лос Анџелес, го спасил тој град од уништување.
„Да не испратев војници во Лос Анџелес, тој некогаш прекрасен и величествен град ќе изгореше до темел во текот на изминатите три ноќи, исто како што 25.000 домови изгореа во Лос Анџелес поради некомпетентен гувернер и градоначалник“, објави Трамп на својата социјална мрежа Truth Social.
Тој истакна дека се обезбедени федерални дозволи за изградба на нови куќи, наместо оние што неодамна беа изгорени во пожари.
