Трагичарот од СП во Катар се договри со ПСЖ

Коло Муани имаше во минатата сезона извонредни настапи и брзо го сврте вниманието кон себе, а бидејќи станува збор за млад фудбалер со голема перспектива, неговата цена е исклучително висока, па ПСЖ ќе треба добро да го одврзе ќесето за да го убеди Ајнтрахт да им го продаде. Според најавите најмалку 70 милиони евра ќе чини трансферот.

Според информациите на францускиот новинар Санти Она, Коло Муани и ПСЖ се договориле за петгодишна соработка со 2028 година, а фудбалерот го притиска Ајнтрахт да му дозволи трансфер до крајот на преодниот рок и да не поставува неразумни услови.

Доаѓањето на Коло Муани ќе значи француско репрезентативно трио во нападот за сезонава, откако дојде и Осман Дембеле од Барселона, а во првиот тим се врати Килијан Мбапе. Плус ПСЖ во нападот ја донесе и големата португалска напаѓачка надеж Гонсало Рамош.