Трајанов бара Агенција против криминал – преку неа ќе се открива криминал и корупција на функционери

Павле Трајанов претседател на Демократскиот сојуз и пратеник до Собранието поднесе закон со за борба против криминал и корупција поради, како што рече оценките дека државата и натаму се криминализира и дека отсуствува политичка волја за ефикасна борба против ова зло.

Во законот, меѓу другото се предвидува и формирање Агенција за борба против организиран криминал и корупција иако во земјава постојат голем број институции кои се со истата намена. Трајанов вели дека оваа Агенција би била независна и натпартиска и очекува поддршка од сите пратеници.

„Предлагам Агенција во која ќе се вклучат врвни професионалци отпорни на било какви коруптивни влијанија професионалци кои што ќе можат да работат на откривање на тешки облици на криминал кои што ги прават носителите на високи државни позиции. Предлагам доколку се открие нелегално стекнат имот, а имотот е на носител на високи функции доколку тој имот го стекнале додека ја извршувал функцијата, тој задолжително да се конфискува“, вели Павле Трајанов.