Тошковски: Неслучајно ги организираа луѓето од Кочани да дојдат на денот на интерпелацијата во Скопје?!
Министерот за внатрешни работи, Панче Тошковски, изрази сомнеж дека присуството на групи од родители од Кочани на денот на интерпелацијата во Собранието не е случајно.
Тој вели дека се срами што е дел од општество во кое опозиција сака преку солзи на родители кои изгубиле чедо, да добие лајк на социјални мрежи.
„Секој еден Македонец кој што го следеше оној ден со интерпелацијата… Што сакаат, да веруваат дека не случајно ги организираа луѓето да дојдат на денот на интерпелацијата, а дел од тие луѓе не знаеа дека има интерпелација за министер за внатрешни работи. Не случајно имаше списоци кај одредени луѓе кои поставуваа одредени прашања кои беа поставувани како што беа поставувани“, изјави Тошковски во Вечерното шоу на Богдан Илиевски.
