Тошковски на средба со Агелер: Партнерството со САД ни носи силна поддршка за реформите во МВР
Министерот за внатрешни работи, Панче Тошковски, денеска оствари средба со амбасадорката на Соединетите Американски Држави, Анџела Агелер, на која, како што соопшти министерот, била потврдена блиската соработка и силната поддршка од САД за реформите во министерството.
„Денеска остварив искрена и содржајна тет-а-тет средба со амбасадорката на САД, Н.Е. Анџела Агелер“, напиша Тошковски во својата објава на социјалните мрежи.
Според него, средбата ја потврдила заедничката определба за јакнење на институциите и модернизација на системот, што претставува темел за поуспешно справување со криминалот и корупцијата.
„Партнерството со САД ни носи силна поддршка за нашите реформи во МВР насочени кон професионална и ефикасна полиција, која ќе овозможи зголемена безбедност, правда и доверба кај граѓаните“, истакна министерот Тошковски.
