ТОПЛИНКИ, ИГРАЧКИ, АЛИШТА ИМА ПРЕД КУЌАТА ВО БРЧКО: Таму патролира само еден полицаец
Сè уште има топлинки и влечки пред влезната врата на куќата во Брчко каде во вторникот се најдени 31 дете, а надвор се наредени автомобили-играчки. Во дворот стои лулашка која лесно се ниша на ветрот. Апсолутно ништо не е мрднато ниту педа, па ни алиштата што со денови висат на жиците за алишта, пренесува telegraf.rs.
Прозорците од куќата без фасада, покриена со бројни камери, се ширум отворени… Сето ова го забележавме во куќа во која со денови, а можеби и со месеци престојуваат 31 дете, од кои најмалото има само шест месеци…
Пред влезот сè уште свети светлото. Нема кој да го исклучи. По улицата патролирал само еден полицаец. Во населбата е тивко… Нема случајни минувачи… Вчера имало луѓе, велат дошле роднини да прашаат за децата, како и медиуми од Србија, Босна и Херцеговина и Хрватска.
Најважно е сепак дека децата кои беа пронајдени во куќата се безбедни и редовно се згрижени од медицински работници. Властите тврдат дека ја имаат сета потребна помош. Градоначалникот на Брчко, Синиша Милиќ, потврди дека децата веднаш биле преместени во хотел. Осум лица се уапсени за случајот.
фото Марија Милутиновиќ
