ТОП ПЕТ: Кои се најбараните професии во Хрватска?
Неколку професии се издвојуваат на хрватскиот пазар на труд и за нив се бараат најмногу работници. Келнерите, магацинските работници и готвачите и понатаму се најбарани.
Бројот на огласи за вработување во Хрватска е намален за 1,5 отсто, но вистинската побарувачка за работници е веројатно поголема, а најчестите занимања се продавач, келнер, работник во магацин, готвач, работник во производство и возач, објави во четвртокот порталот МојПосао.
Анализата на пазарот на трудот во Хрватска, која ја направи Alma Career Croatia, која работи со порталот MojPosao, открива дека во 2024 година се објавени повеќе од 324.000 огласи за вработување, што е мало намалување од 1,5 отсто во споредба со претходната година.
Многу Македонци сезонски работат во Хрватска. Инаку, во хрватските медиуми имаше информации дека непалските работници се едни од најбројните. Многу од нив сакаат да ги донесат и своите семејства во Хрватска.
foto freepik.com
