ТОЈ Е ВО АЛБАНСКИ ЗАТВОР: Грк е избран за европратеник

Грк кој е во затвор во Албанија стана европратеник. Фреди Белери, етнички Грк кој беше избран за градоначалник на албанскиот приморски град Химаре откако заврши во затвор, ќе биде пратеник во Европскиот парламент како кандидат на владејачката партија во Грција, Нова демократија. 

Весникот „Катимерини“ објави дека Белери освоил над 236.000 гласови и се наоѓа на четвртото место меѓу 21 избран европратеник од Грција.

Кампањата во негово име ја водеше неговиот син Леонардо. Апсењето на Белери ги засили тензиите помеѓу Албанија и Грција. За Грците, Белери е политичка жртва, додека Албанија го поврзува со вооружена побуна на грчкото малцинство.

Белери беше кандидат за градоначалник на Химаре, но беше уапсен два дена пред изборите во мај лани, на кои што победи со само 19 гласа разлика. Тој од март служи двегодишна затворска казна за купување осум гласови за сума од 40.000 албански леки (390 долари).

Јакнењето на екстремната десница, слабеењето на францускиот претседател Емануел Макрон, неизвесната иднина на претседателката на Европската комисија, Урсула фон дер Лајен, падот на германските екологисти и големата излезност ги одбележаа изборите за Европскиот Парламент(ЕП). Центристичката листа на Макрон  освои 15 отсто од гласовите, по што тој го распушти Собранието и закажа предвремени избори.

Фото Катимерини