Тинејџери два часа дневно на телефон, деца од 8 до 16год. само еден час: Кина наскоро би можела да воведе правило кое не постои никаде во светот
Кинеската управа за сајбер простор (CAS) предложи да се усвојат правила кои ќе ги ограничат луѓето на возраст под 18 години на максимум два часа дневно на нивните паметни телефони.
Според предложените правила, корисниците на возраст од 16 до 18 години би можеле да поминуваат два часа дневно на своите телефони, децата од осум до 16 години би добивале еден час, додека децата до осум години би имале само осум минути.
Покрај тоа, на малолетниците ќе им биде забранет пристап на интернет преку телефони од 22 до 6 часот наутро, пренесува Sky News.
Предлогот доаѓа во време кога кинеските власти се повеќе се загрижени за зависноста од интернет кај младите луѓе.
Доколку предлогот биде усвоен, тој може да влијае на компаниите како што е сопственикот на TikTok, ByteDance, бидејќи CAC наведува дека давателите на услуги ќе треба да наметнат временски рок во согласност со предложените правила.
CAC, сепак, вели дека родителите ќе можат да ги отстранат ограничувањата за нивните деца.
