ТФТ го среди Пелистер и го освои второто место (ФОТО)

Поранешниот освојувач на Купот на Македонија сигурно ќе биде втор, а битолчани сигурно шести, без разлика на резултатите од останатите натпревари во ова коло, пред се мечот меѓу Работнички и Кожув кој сега ќе биде директен дуел за третата позиција. Тоа е и најголем успех на ТФТ во кратката историја на клубот, кога станува збор за првенството, бидејќи досега никогаш не бил повисоко пласиран од третата позиција на крајот од основниот дел од сезоната.

Победата на ТФТ е апсолутно заслужена ако се знае дека беше во водство во најголем дел од мечот, на моменти и со 20 поени разлика. Клучната предност ја направи во втората и третата четвртина кои вкупно ги доби со 46-27.

Прв играч на натпреварот беше Зек Браун со 23 поени и 7 скока, а Зафиров додаде 12 поени и 9 скока. Антоан и Стајиќ со по 14 поени го предводеа Пелистер кој во четвртфиналето ќе се сретне со победникот од утрешниот натпревар меѓу Работнички и Кожув.