Тепачка во Швајцарија: Уапсени двајца тинејџери од Македонија, користен и бибер-спреј

Полицијата во Винтертур, Швајцарија, уапси шест лица по физичка пресметка што се случила во вторникот вечерта. Меѓу приведените има и двајца малолетници од Северна Македонија, на возраст од 15 и 17 години.

Инцидентот во областа Винтертур-Сенхоф бил пријавен малку пред 21:00 часот, кога полицијата добила повик за лице кое лежи на земја со повреди на главата. Пристигнатите патроли на местото на настанот затекнале повеќе учесници.

Според првичните информации од истрагата, претходно избила жестока расправија меѓу групата, при што бил употребен и бибер-спреј. Во инцидентот полесни повреди заработиле три лица – државјани на Сирија на возраст од 48, 18 и 17 години, кои со возило на брза помош биле пренесени во болница.

Повреден бил и 15-годишен тинејџер од Северна Македонија, кој, според полицискиот извештај, самостојно се упатил во болница за контрола.

Полицијата привела и испрашала вкупно шест лица кои биле инволвирани во тепачката. Меѓу уапсените се:

Сите учесници ќе одговараат пред надлежните органи, односно пред Обвинителството за малолетници или Јавното обвинителство, во зависност од нивната возраст.