Тензиите се зголемуваат – Трамп продолжува: Не ни требаат вашите производи
Претседателот на Соединетите Американски Држави, Доналд Трамп повторно ги критикуваше канадските власти и порача дека Америка наскоро ќе покаже дека не им требаат канадски производи.
Во објава на социјалната мрежа Truth Social, Трамп рече дека Канада најавила воведување дополнителни американски царини.
„И покрај фактот што Канада наплаќа американски тарифи од 250 до 390 проценти за многу од нашите земјоделски производи, тие одлучија да додадат тарифи од 25 проценти за електрична енергија. Не ни е дозволено да го правиме тоа. Бидејќи нашите тарифи се реципрочни, ние ќе вратиме сè на 2 април. Ќе дознаеме многу брзо, Ќе ја направиме Америка повторно голема“, рече Трамп.
Премиерот на Онтарио, лидерот на најнаселената провинција во Канада, објави дека од понеделник наплаќа 25 отсто повеќе струја за 1,5 милиони Американци како одговор на трговската војна на американскиот претседател Доналд Трамп.
Онтарио ги снабдува со електрична енергија Њујорк, Минесота и Мичиген.
„Нема да се двоумам да ја зголемам оваа такса. Ако Соединетите Американски Држави ескалираат, нема да се двоумам целосно да го исклучам напојувањето. Верувајте ми кога велам дека не сакам да го правам ова. Се чувствувам ужасно за американскиот народ кој не ја започна оваа трговска војна. Една личност е одговорна, а тоа е претседателот Трамп“, рече провинцискиот лидер Даг Форд.
