Тензично во Лепосавиќ: Србите бараат од КФОР да не дозволува албански претставници да влезат во општинската зграда

Поранешниот градоначалник на Лепосавиќ, Зоран Тодиќ, заедно со група насобрани Срби, кои утрово во знак на протест се приближија до самиот влез на општинската зграда кога во неа влезе министерот за локална самоуправа Ељберт Красниќи, разговараше со командирот на унгарскиот КФОР повторно околу 11 часот, а со договор Србите се преселиле десетина метри до заштитната ограда, побарале КФОР да не дозволува никој да влезе во општинската зграда.

Како што јави Косово онлајн, претставници на Србите од Лепосавиќ кои речиси 20 дена протестираат поради насилната полициска окупација и блокадата на општинската зграда, утринава се приближиле до самиот влез на зградата, револтирани од новата провокација на Приштина и доаѓањето на министерот Ељберт Красниќи, но и поради сознанието дека планот денеска во општинската зграда да дојдат заменик-градоначалничката Драгана Милетиќ и нелегитимните општински советници, со очигледна намера да донесат некои одлуки кои не се поддржани од жителите на општина, пренесува „Данас.рс“.

Атмосферата во еден момент била тензична, Србите извикувале „надвор, надвор“, а на влезната врата од општинската зграда биле запрени од војници на КФОР, зад кои стои поголема група специјалци на косовската полиција на влез во зградата.

Okupljanje Srba u Leposaviću nakon dolaska Krasniqija u zgradu opštine https://t.co/AAMytz5GMe pic.twitter.com/CwmuBaKZU0

— Al Jazeera Balkans (@AJBalkans) June 16, 2023

Како што јавува репортерот на Косово онлајн, за да се смири ситуацијата, поранешниот градоначалник на Лепосавиќ, Зоран Тодиќ разговарал со командантот на унгарскиот КФОР, кој побарал да не им дозволи на советниците да влезат во општинската зграда.

Тодиќ рече и дека голем број полицајци се во полициската станица во Лепосавиќ и дека има информации дека се подготвени да се движат кон општината.

Тој побара од претставниците на КФОР да го одржуваат редот и мирот и да не дозволуваат министри или советници да влезат во зградата бидејќи го провоцираат народот.

На улиците на Лепосавиќ се позиционирани џиповите „Кфор“ и „Еулекс“.

Фото: Принтскрин/Твитер