„Течното злато“ е толку скапо што веќе го крадат
Урива рекорди цената на маслиновото масло. Таа не престанува да расте и толку е скапо што го крадат.
Екстремните суши во големите земји производители ги намалија залихите. Ова ги поттикна кражбите на ова „течно злато“. Глобалните цени се зголемија на 8.900 долари за тон во септември.
„Главната причина се големите суши во Медитеранот, се наведува во неодамнешниот извештај на американското Министерство за земјоделство. Просечната цена веќе беше за 130 отсто повисока во август во однос на претходната година и трендот на раст не покажува знаци на намалување“, пишува Н1 Инфо.
Шпанија, најголемиот светски производител и извозник на маслиново масло, со месеци има суша. Според податоците на компанијата Mинтек, специјализирана за истражување на пазарот на стоки, производството на маслиново масло во Шпанија паднало на околу 610.000 тони – што е намалување од повеќе од 50 отсто во споредба со вообичаените 1,3 до 1,5 милиони тони, пренесува тпортал.хр. Зголемените цени на „течното злато“ поттикнаа зголемен број кражби. На крајот на август од шпанската семејна фабрика за масло Марин Серано Ел Лагар исчезнаа околу 50.000 литри екстра девствено маслиново масло во вредност од повеќе од 420.000 евра. Претходно, крадци украле 6.000 литри екстра девствено маслиново масло во вредност од 50.000 евра од фабриката за масло Тераверне.
Во светот поради климатските промени, има помало производство на кафе и на какао во светот.
foto freepik.com
