Таткото на Вања со драматична изјава: Чекам разрешница па да одлучам дали ќе ѝ се придружам на постарата ќерка…
Драматична изјава доаѓа денеска од страна на Александар Ѓорчевски, таткото на 14-годишната Вања Ѓорчевска.
Имено, на јавна седница во Врховниот суд, која се однесува на жалбата што тој ја поднесе околу притворот, тој истакна дека само чека разрешница на случајот, па да одлучи дали ќе и се придружи на постарата ќерка.
„Поделен сум на два света, едно дете ми зедоа, другото ми е тука. Воопшто не ми е битно каде ќе ја дочекам конечната одлука, туку сакам само да има разрешница за да одлучам дали да останам на овој, или да одам на оној свет“, рече Ѓорчевски.
Неговиот адвокат Владиир Туфегчиќ во образложение зошто бара укинување на притворот, нагласи дека одлуката на Апелацискиот суд е во спротивност со Европската конвенција за чоевкиови права.
„Речиси четири месеци трае притворот, а нам не ни е дадена барем една индиција дека обвинителството има основано сомнение дека Ѓорчевски сторил кривично дело“, порача адвокатот.
Надлежната обвинителка од државното Јавно обвинителство, Наталија Тасевска пак истакна дека Апелацискиот суд донел јасно и недвосмислено решение за продолжување на притворот.
Според неа, истрагата е во тек со вештачење на телефонските разговори.
„Затоа се уште постоои основано сомнение дека Ѓорчевски сторил кривично делчо – грабнување. Притворениот може да влијае врз сведоците, затоа што нема гаранција дека иако тие се испрашани, нема подоцна да ги сменат изјавите пред судија“, додаде обвинителката.
