![Таткото на Нејмар нема намера да дава пари за Дани Алвеш: За нас случајот е завршен!](https://novina.mk/wp-content/uploads/2024/03/222615-tatkoto-na-nejmar-nema-namera-da-dava-pari-za-dani-alvesh-za-nas-sluchajot-e-zavrshen-jpg.webp)
Таткото на Нејмар нема намера да дава пари за Дани Алвеш: За нас случајот е завршен!
Дани Алвеш е осуден на четири и пол години затвор поради силување. На 30 декември 2022 година силувал 23-годишна девојка во ВИП делот на ноќен клуб во Барселона. Судењето заврши на 7 февруари оваа година, а пресудата беше донесена 15 дена подоцна.
Алвеш поднесе жалба и додека трае жалбената постапка тој може да биде на слобода со кауција од милион евра. Сума која требаше да ја плати таткото на Нејмар.
„Како што сите знаат, на почетокот му помагав на Дани Алвеш. Во овој момент, во ситуација поинаква од претходно, откако што шпанскиот суд донесе одлука за пресуда, се појавија шпекулации кои мене и мојот син сакаат да нѐ поврзат со случај кој нема врска со нас. Се надевам дека Даниел со своето семејство ќе ги пронајде одговорите кои ги бара. За нас, за нашето семејство, овој случај е завршен“, напиша таткото на Нејмар.