Татко и син се убиените во Челопек, на лице место најдени три пиштоли
Татко на 52 и син на 28 години се жртвите по вчерашното пукање во Челопек. Најверојатно станува збор семејни нерасчистени сметки.
„Полицијата го лишила од слобода лицето И.И. (59) од село Челопек, по пријавата дека околу 14 часот во селото се убиени со огнено оружје неговите роднини Ф.Џ. (52) и М.Џ. (28) и го ранил А.Џ. (54), сите од исто село. Осомничениот кој исто така е повреден со огнено оружје, е приведен во полициска станица и испратен во Клиничката болница во Тетово за укажување лекарска помош“, велат од полицијата.
54 годишник е повреден, а на лице место пронајдени се три пиштоли.
„Увид на местото на настанот извршил и јавен обвинител како и тим инспектори од СВР Тетово, додека најдени се и конфискувани 3 пиштоли. Едниот пиштол е одземен од приведеното лице, а другите два се најдени во близина на убиените Ф.Џ. и М.Џ“, додаваат од МВР.
