Таксистот даде исказ за масакрот, се плаши од семејството на Урош Блажиќ
Драгослав А. (58), таксистот кого Урош Блажиќ (21) го киднапира и го држеше како заложник по масакрот што го направи во српскиот град Младеновац, денеска е сослушан во Обвинителството во Смедерево.
„Информер“ објави дека таксистот детаљно опишал како Блажиќ налетал на неговиот автомобил и со закани му наредил да го вози до Вињиште во Крагуевац, каде полицијаат го уапси. По сослушувањето, човекот не сакаше да разговара со новинарите затоа што се плаши од семејството на Блажиќ. Блажиќ, по убиствата, налетал на такси-возило, во кое имало девојка која го лажела дека е бремена за да ја поштеди неа. Блажиќ масакрот го почна вечерта на 4 мај во Мали Орашје, при што без причина ги уби Марко Митровиќ (18), потоа Лазар Миловановиќ (20) и неговиот братучед Александар М. (17), како и Немања Стевановиќ (21) и малиот Никола М. (15). Тешко ранил уште шест млади луѓе. Потоа во Дубона ранил четворица, кои ја поправале капијата, а потоа на 500 метри во училишниот двор ги убил Далибор Тодоровиќ (25), како и полицаецот Милан Паниќ (22) и неговата сестра Кристина (19).
Повеќе од 600 полицајци трагаа по масовниот убиец. Полицајците го уапсија следното утро во куќата на дедо му по мајка во Вињиште кај Крагуевац.
Инаку, во мај месец се случија два масакри во Србија. Првиот на 3-ти мај кога 13 годишно момче уби 10 луѓе во своето училиште.
