Тајван ја произведе својата прва подморница
Тајван денеска ја претстави својата прва домашно изградена подморница, објави Ројтерс, истакнувајќи дека тоа е огромен чекор во долгогодишниот проект за зајакнување на одбраната на островот против кинеската морнарица.
Островската држава, за која Кина тврди дека е нејзина територија, ја зацрта сопствената програма за подморници како клучна точка на нејзиниот амбициозен проект за модернизација на своите вооружени сили со оглед на речиси секојдневните воени вежби што кинеската војска ги спроведува во нејзина близина во шоуто на сила.
Тајванската претседателка Цаи Инг-вен, која го започна планот кога ја презеде функцијата во 2016 година, денеска ја претстави првата од осумте нови подморници во јужниот град Каосиунг. Цаи најави дека подморницата, која ќе го носи името Нарвал (по арктичкиот заби кит, уред.), ќе стапи во употреба во 2025 година. Ќе се приклучи на две подморници што Тајван ги купи од Холандија во 80-тите години на минатиот век.
На прашањето за подморницата и како таа би можела да ја одврати кинеската опсада на островот, кинеското Министерство за национална одбрана на својата редовна прес-конференција рече дека Тајван „се преценува себеси и се обидува да го направи невозможното“. „Што се однесува до спречувањето на Кинеската Народноослободителна армија да влезе во Тихиот Океан, ова е идиотска глупост“, изјави за новинарите во Пекинг портпаролот на кинеското Министерство за одбрана, Ву Чијанг.
Првата подморница, проценета на 48,36 милијарди NT$ (1,53 милиони американски долари), ќе користи борбен систем од американската компанија Lockheed Martin и ќе носи тешки торпеда Mark 48 од САД.
