Сведоштво од Кисела Вода: „Тројца спасија, но еден работник го извадија дури по час и половина“
Додека спасувачките служби се обидуваа да ги извлечат работниците затрупани под наносите на земја на улицата „Козјак“, соседите и случајните минувачи со неверување го следеа текот на драмата што заврши со еден загубен живот.
Една од жителките во непосредна близина на градилиштето, во потресна изјава за медиумите, низ солзи раскажа за моментите на неизвесност. За неа, оваа несреќа е лична трагедија која ги отворила старите рани.
„Рекоа дека четворица биле затрупани. Тројца успеаја да спасат, а за еден беше кажано дека е изваден по долго време, сигурно по час и половина. Многу ми е тешко да зборувам за ова бидејќи и мојот татко загина на сличен начин – само што тој бил сам и немало кој да му помогне“, вели сосетката.
Освен болката, кај локалното население се јавува и револт поради начинот на кој се изведуваат градежните зафати во оваа населба.
Веднаш по веста за несреќата, на терен пристигна силно полициско присуство, како и градоначалничката на Општина Кисела Вода, Бети Стаменкоска-Трајкоска, која ја следеше акцијата на противпожарните и медицинските екипи.
Официјален биланс од МВР: Од полицијата потврдија дека во несреќата на ул. „Козјак“:
Трагедијата во Кисела Вода повторно го отвора прашањето за безбедносните стандарди на македонските градилишта и одговорноста на изведувачите при изведување на ризични ископи во густо населени урбани средини.
