Support Kocani: Не сакаме да бидеме дел од политичка реторика и препукувања, ништо нема да ни застане на патот на солидарноста!
Од граѓанската иницијатива Support Kocani велат дека не се препознаваат во коментарот на премиерот.
Според нив, сигурно тој мисли на друго здружение.
„Доколку можеме било како да помогнеме знаете каде можете да не’ најдете и контактирате. Да бидеме дел од политичка реторика и препукување е рецепт како можете да го убиете ентузијазмот на оваа група луѓе која стана заедница“, велат од таму.
Тие додаваат дека ништо нема да им застане на патот на солидарноста за сограѓаните, другарите, браќа и сестри што настрадаа во „Пулс“.
Додаваат дека „најмалку тоа треба да биде државата или политичките чинители“.
Соопштението следува по вчерашниот говор на премиерот Христијан Мицкоски на прославата на Унија на млади сили на ВМРО-ДПМНЕ во Велес, каде во својот говор рече дека граѓанско движење за помош на Кочани полека преминува во политичко движење.
