СУНАК ГО ЗАМЕНИ БРИТАНСКИОТ МИНИСТЕР ЗА ВНАТРЕШНИ РАБОТИ! Поделба во владата во Лондон додека Суела Браверман ја повикува полицијата
Британскиот премиер Риши Сунак денеска ја разреши министерката за внатрешни работи, Суела Браверман, по раздорот во мислењата во врска со акциите на полицијата на пропалестинскиот марш што се одржа во Лондон.
Ова го соопшти Политико, во кој се наведува дека е започната реконструкција на владата на Сунак.
Се потсетува дека Браверман минатата недела објави експлозивен напис во Тајмс во кој ја обвини полицијата дека подобро ги третира пропалестинските демонстранти од националистите и ултрадесничарите.
Тој напис не беше одобрен од тимот на Сунак на Даунинг стрит 10.
Потврда за промената стигна и од резиденцијата на премиерот на Велика Британија.
– Риши Сунак побара од Суела Браверман да ја напушти владата и таа го прифати – изјави неименуваниот британски функционер.
