„СУДСКИТЕ ОДЛУКИ ВО БУГАРИЈА НЕ СЕ ИГНОРИРААТ… ЦЕЛО ВРЕМЕ“ Ваков одговор добила европратеничката Јовева од бугарскиот министер за правда
„Судските одлуки во Бугарија не се игнорираат… цело време.“ Така бугарскиот министер за правда „одговори“ на моето прашање. За момент се запрашав дали навистина го кажа тоа. Слушнав многу работи за време на мојот престој во Бугарија, но оваа реченица сумира сè – напиша словенечката европратеничка со македонско потекло Ирена Јовева во објава на Фејсбук по стојот дводневен престој во Бугарија, каде учествуваше во мисијата Рињу Јуроп (Renew Europe) во Софија.
„Таа (реченица) ги сумира впечатоците од средби со новинари, на кои властите не им даваат ниту основни информации, туку наместо тоа им издаваат судски тужби.
Таа ги сумира средбите со поранешни и сегашни судии, чии кариери зависат од лојалност. Секако не лојалност кон интегритетот или законот. „Привремените“ позиции траат со години. Мандатите на некои луѓе никогаш не завршуваат. И затоа одговорноста никогаш не започнува.
Таа ги сумира средбите со граѓанското општество. Со организациите за борба против корупцијата. Документи, снимки, сведоштва – сето ова е таму. Но, нема епилози. Бидејќи системот не бара вистина, а камоли правда.
И таа ги сумира одговорите на гореспоменатиот министер во заминување, особено. Кога го прашав зошто се игнорира јасната пресуда дека генералниот обвинител е на функција нелегално. Зошто политички непожелните лица можат лесно да бидат затворени, додека во исто време се демонтираат институциите. Прашувам дали демонтирањето на легална земја-членка на ЕУ е во согласност со европските обврски. Кој ќе ја преземе одговорноста?
Ах, каква одговорност. Сè е во ред, затоа што пресудите не се игнорираат цело време.
Проблемот во Бугарија не е толку недостиг на закони, колку недостиг на одговорност.
Затоа нашиот извештај за мисијата ќе биде суров. Без разубавување. Но, ќе се базира на факти. И доколку е потребно, ќе следат мерки. Не за да се казни Бугарија, туку затоа што никој не е должен да живее во систем каде што законот важи само „од време на време“.
Владеењето на правото не функционира „од време на време“. Или функционира… или не“ – пишува Јовева во својот пост.
.
