СУДИЈАТА КАТЕВЕНОВСКИ БИЛ РАЗРЕШЕН ЗАШТО НЕ ГИ ИСПОЛНИЛ НАРАЧКИТЕ НА ЗАЕВ Ете како работел судот во времето на СДСМ и ДУИ, вели ВМРО-ДПМНЕ
Секојдневно пред очите на целокупната јавност излегуваат сведоштва за злоупотреба на институциите, притисоци и уцените за време на владеењето на СДСМ и ДУИ. Најново, поранешниот судија на Врховниот суд Ристо Катевеновски во интервју посочи дека бил разрешен откако одбил да даде позитивно мислење за предмет поврзан со поранешната министерка за внатрешни работи Гордана Јанкуловска, пишува ВМРО-ДПМНЕ во соопштение.
„Власта на СДСМ беше одбележана по бруталните политички монтирани случаи, спроведени преку Русковска-обвинителството и Кацарска-судството, кои наместо по правото, гонеа и судеа според наредбите на Заев.
Судиите и обвинителите избрани во Зајас и Струмица носеле одлуки по нарачка на Заев и Ахмети, а тие кои одбивале да бидат послушници биле разрешувани од функциите.
Судијата Катевеновски вели дека во 2019 година, го добил случајот од поранешното СЈО, за кој требало да даде мислење, но како што вели тој, немало никаква правна можност, ниту пак некакво кривично дело за да даде позитивно мислење за случајот.
Според Катевеновски, за конкретниот случај не постоела правна основа за поинакво постапување, а одлуката за негово разрешување следувала непосредно по неговото одбивање.
Овие тврдења сериозно ја доведуваат во прашање независноста на судството во период на владеењето на СДСМ и ДУИ. Имало системски притисоци врз носители на правосудни функции и злоупотреба на институциите за политички цели.
Судиите и обвинителите послушници на Заев и Ахмети се виновни за довербата во судството од само 2 проценти.
Неопходни се реформите во правосудството како клучен предуслов за враќање на довербата на граѓаните, обезбедување владеење на правото и гарантирање еднаквост пред законите.
Во услови кога има сериозни обвинувања за политички притисоци и селективна правда од страна на поранешната власт на СДСМ и ДУИ неопходен е сеопфатен и суштински реформски процес. Одговорност мора да има“ – се вели во соопштението на ВМРО-ДПМНЕ.
.
