Судар меѓу четири мотоцикли и четири возила – прекинат сообраќајот на патот Мавровска крстосница-Гостивар поради
Тешка сообраќајна несреќа во која учествувале вкупно осум возила се случи попладнево на магистралниот пат од Мавровската крстосница кон Гостивар, предизвикувајќи целосен прекин на сообраќајот на оваа фреквентна делница. Според првичните информации од полицијата, во несреќата има најмалку петмина повредени.
Несреќата, која била пријавена во ОВР Гостивар нешто пред 16 часот, се случила во услови на зголемен сообраќај поради празничниот ден. Во верижниот судир учествувале четири мотоцикли и четири патнички автомобили.
Полициски екипи се на терен и вршат увид, а сообраќајот е во целосен прекин. Возилата се пренасочуваат по споредни локални патишта, преку каменоломот „Прогрес“ и преку месноста Панорама кај Вруток.
Засега нема детали за карактерот на повредите на настраданите, ниту за причините за несреќата. Се апелира возачите да ги почитуваат насоките на полицијата и да бидат внимателни.
