СУБВЕНЦИОНИРАЊЕТО ПРИДОНЕСИ БИ ГО ИСЦРПЕЛО БУЏЕТОТ: Власта го одби синдикалниот предлог за минималец од 500 евра
Власта го одби синдикалниот предлог за минималец од 500 евра.
Велат дека субвенционирањето придонеси би го исцрпело буџетот и би ги намалило парите за инвестиции, за изградба на патишта, школи, градинки. Само ако работодавачите се согласни во целост да ги платат придонесите на 30.000 минимална плата, во тој случај за премиерот Христијан Мицкоски предлогот е прифатлив. Тој вели дека на следната владина седница ќе се формира Комисијата, која ќе ја потврди репрезентативноста на ССМ.
„Не знам како би се сложиле (работодавачите) кога немаме репрезентативен претставник на синдикатите. Доколку се избере и доколку тој заедно со работодавачите се сложат за 30.000 денари во која што работодавачите целосно ќе ги исплатат придонесите, ние ќе го прифатиме. Треба да се формира Комисија за утврдување на репрезентативноста. Таа утврдува кој од синдикатите ги исполнува условите согласно правилникот“, рече Мицкоски.
Тој го обвини синдикатотат дека е во здружена коалиција со СДСМ, Левица и ДУИ.
Инаку, ССМ прво бараше минималец од 450 евра, а сега смета дека тој треба да изнесува 500 евра. Во регионот повеќето земји веќе имаат минималец над 500 евра.
