Студија: Сексуално преносливите инфекции во пораст во Европа
Сексуално преносливите инфекции се зголемија низ Европа во 2022 година, при што регистрираните случаи на гонореја скокнаа за речиси половина. Ова го објави Ројтерс, повикувајќи се на најновите податоци објавени од Европскиот центар за превенција и контрола на болести (ECDC).
Податоците покажаа дека случаите на сифилис се зголемиле за 34 отсто од претходната година на повеќе од 35.000, а случаите со кламидија се зголемиле за 16 отсто на повеќе од 216.000.
Случаите со гонореја скокнале за 48 проценти на над 70.000.
„Фигурите прикажуваат остра слика на која и треба наше итно внимание и акција“, рече директорот на ECDC, д-р Андреа Амон на прес-конференција за податоците.
Нелекуваните сексуално преносливи болести може да доведат до низа здравствени проблеми, вклучувајќи хронична болка, неплодност, а во случај на сифилис, невролошки и кардиоваскуларни компликации.
Зголемени се и случаите на лимфогранулом венерум и вроден сифилис, при кој инфекцијата се пренесува од мајка на фетус, информираат од центарот.
Според ЕЦДЦ, меѓу причините за постојаниот пораст на случаите е зголемувањето на поризичното сексуално однесување.
Зголемувањето на инфекциите кај младите хетеросексуалци, според последните податоци, а особено кај младите жени, може да се должи на промената во сексуалното однесување од пандемијата.
Според д-р Андреа Амон, земјите во Европа треба да се фокусираат на напорите за тестирање, лекување и превенција, а луѓето треба да преземат мерки за да се заштитат – особено со користење на заштитна опрема.
