СТУДЕНТСКИ МАКИ ВО ОХРИД: Студентскиот дом „Никола Карев“ веќе 12 часа без струја

Студентите сместени во државниот студентски дом „Никола Карев“ во Охрид веќе повеќе од 12 часа се оставени во информативен и енергетски мрак. Објектот е целосно отсечен од електричната мрежа, принудувајќи ги младите да користат свеќи за движење низ ходниците и за учење.

Ситуацијата е критична бидејќи со прекинот на струјата, студентите останаа и без:

Информациите првично се проширија преку социјалните мрежи и платформата „Студентарија.мк“, каде се споделуваат видеа од хаотичната состојба во домот. Според неофицијални извори, причината за прекинот не е дефект, туку неплатени долгови за електрична енергија од страна на раководството на домот.

„Студентите се препуштени самите на себе. Нема никаква официјална најава кога ќе дојде струјата, а се стравува дека и оваа ноќ ќе ја поминат во студ и мрак“, се наведува во реакциите на социјалните мрежи.

До овој момент, надлежните институции и Министерството за образование и наука молчат и немаат излезено со официјално објаснување за овој скандалозен третман на студентите во Охрид.