Струга првпат победи во Европа, ама има за што да жали – само минималец со Будуќност

Иако Струга победи, македонскиот првак треба да жали што не обезбеди многу поголема залиха за реваншот за седум дена во Црна Гора, зашто во првиот дел направија доволно шанси за многу повеќе од само 1-0, но успеаа да реализираат само една шанса и тоа во акцијата на Марјан Радески со Бесарт Ибраими, а најдобриот стрелец го матираше противничкиот голман по половина час игра.

Ибраими имаше уште три можности, но ни една не успеа да ја реализира настрана од голот и секојпат му недостигаше завршниот потег, по еднаш се заканија и Радески, Бунјамин Шабани, но иако фудбалски доминираа против Црногорците, во вториот дел домаќнините подзастанаа. Ја загубија енергијата, па две можности на Шабани и една на Радески, кој закасни сантиметар по додавањето на Ибраими беше премалку за втор гол.

Будуќност од друга страна како одигра, треба и да е среќен што има активни минус еден гол пред реваншот дома, зашто за 90 минути не покажа ништо фудбалски, а имаше една сериозна шанса, со опасен шут од 30 метри сантиметри над пречката.

Победникот од овој двомеч во шампионската група во Конференциската лига оди во третото коло против подобриот од дуелот ТНС-Есперанж (1-1 по првиот меч).