СТРУЈАТА СЕ ВРАЌА ВО ДЕЛОВИ ОД ХРВАТСКА: причините за овој голем колапс допрва ќе се испитуваат
Напојувањето со електрична енергија без која претходно денеска остана цела Далмација, но соседните земји, Црна Гора, делови од Босна и Херцеговина, какои делови од Албанија, постепено почна да функционира, јавуваат хрватските медиуми.
– Очекуваме целата територија на Далмација треба да добие струја – пренесе Хина.
Засега делови од Сплит, како и други градови и населени места се приклучени на електричната мрежа
Прекинот на снабдувањето со електрична енергија во делови на Република Хрватска предизвика меѓународен прекин што зафати повеќе земји, беше објавено во соопштението на Хрватската електроиндустрија (ХЕП).
Тамошните медиуми објавија дека Хрватскиот преносен систем оператор (ХОПС) врши анализа со системските оператори од соседните земји за да се утврди причината.
– За да го ублажи проблемот со меѓународниот прекин во снабдувањето со електрична енергија, Хрватска електростопанстви ги стави во целосна функција сите производствени капацитети за ХОПС да обезбеди што поскоро дистрибуција на електрична енергија за граѓаните на Хрватска – јавија хрватските медиуми.
Како што дознава Хина, досега никогаш немало дефект на електроенергетскиот систем преку три држави. Исто така, се дознава дека во моментов диспечерите интензивно разговараат меѓу себе, држава со држава, за да утврдат што се случило и да направат план за закрепнување, бидејќи ниту една држава не може да биде изолирана во однос на напојувањето, бидејќи сите се поврзани со далноводи.
Причината за прекинот не е позната.
