СТРАШНА НЕСРЕЌА: Загина велосипедист откако во него удрило товарно возило

Загина 72-годишен велосипедист, откако во него удрило товарно моторно возило, информираат денеска од Министерството за внатрешни работи.

– Вчера во 15.25 часот било пријавено дека во Гостивар на раскрсница од улицата „Беличица“ со булеварот „Гоце Делчев“, товарно моторно возило „ман“ со гостиварски регистарски ознаки, управувано од М.К., на возраст од 56 години, од село Беловиште, удрило во велосипед управуван од Т.Ј., на возраст од 72 години, од село Чајле. На местото на несреќата починал велосипедистот, а смрт била констатирана од страна на лекар од Итна медицинска помош, појаснуваат од МВР.

Извршен бил увид од јавен обвинител и увидна екипа од ОВР Гостивар.