Страшна несреќа на патот Неготино – Кавадарци, едно лице загина!
Попладнево на на патот Неготино – Кавадарци се случила сообраќајна незгода во која учествувале три патнички моторни возила.
Во несреќата загинало едно лице, а друго е повредено. Две лица биле неповредени во третото возило.
Јавното обвинителство нареди обдукција за починатото лице во сообраќајката, а како што велат бил извршен увид на лице место на патот Неготино – Кавадарци.
„Преземени се сите мерки за испитување на околностите под кои дошло до несреќата. Издадени се сите потребни наредби, меѓу што и обдукција на починатото лице. Се работи на утврдување на причините за несреќата“, додадоа од Обвинителството.
