СТРАНЦИТЕ БАРАЛЕ ГОЛТКА И ГОЛТКА ПОВЕЌЕ ОД МАКЕДОНСКОТО ВИНО, НО И МАКЕДОНЦИТЕ „НЕ ПОПУШТААТ“ – како „Тиквеш“ на Светозар Јаневски лани инаксираше приходи од 60 милиони евра

Ако Македонија
навистина може да се пофали по неколку работи, една од нив секако е и доброто
вино. А ако некоја компанија знае да направи добро вино, тоа секако
дека е најголемата винарија во земјава и на Балканот, кавадаречки „Тиквеш“. Впрочем, лани
остварените приходи доволно говорат сами за себе. Имено, Билансот на успех на
винарската визба поседувана и раководена од познатиот бизнисмен Светозар
Јаневски покажува дека во текот на минатата година оваа компанија успеала од
продажбата на вино да инкасира близу 60 милиони евра, или прецизно 58,4 милиони
евра. И тоа е одличен раст за 15 отсто во однос на претходната година.

Сепак, во
компанијата морало да се направат и соодветни трошоци, па овие богати продажни
приливи не резултирале со исто толку фантастичен пораст на пофитот, туку со
нешто помал, односно со раст за 3 проценти. Што, секако, е резултат за почит,
бидејќи ретки се оние фирми кои можат да се пофалат со нето добивка од 4,5
милиони евра.

Да видиме како
работел „Тиквеш“ во минатата година, но она што можеме да го констатираме
гледајќи ги нејзините финансиски извештаи, секако дека е фактот дека таму нема
некои големи изненадувања.

Уште еднаш да
повториме, приходите од продажбата се 58,4 милиони евра. И, неодминлив е впечатокот
дека добриот вкус на виното на оваа винарија во текот на минатата година
повеќе знаеле да го ценат странците, отколку домашните купувачи, иако и тие не
престануваат да и ја даваат дповербата на оваа добра голтка.

Или, како приходи
од продажба на домашен пазар се инкаирани 25,8 милиони евра, одличен прилив,
кој патем, бележи и раст за 11 отсто во однос на една година претходно, односно
2023 година.

Затоа, пак, на
странските пазари, и повеќе е извезено винотои на оваа компанија, но има и
поголем раст кај извозот. Односно, приливите од продажба од странскиот пазар се
над 32,6 милиони евра, и таму зголемувањето е за дури 18 проценти.

Кај трошоците на
продадените производи нема голем раст, и тие изнесувале 31,8 милиони евра, што
е покачување за 5 отсто.

Сето ова
резултирало со бруто добивка од 26,7 милиони евра, или кај неа имало одличен
пораст за 30 отсто.

Но, значајно се
зголемени и трошоците за продажба и маркетинг, односно дистрибуција на
производите, коим изнесувале 6,4 милиони евра и чии пораст е за дури 28 отсто. А, и
административните трошоци се зголемиле за 8 отсто и достигнале 3,1 милиони
евра.

Но, кога на овој
минус ќе му се спротивстави плусот од останати оперативни приходи од 2,1
милиони евра, но и вредносното усогласување од 13,6 милиони евра и чии раст е
за 48 проценти, се добива дека „Тиквеш“ ја завршил ланската година со оперативна
добвивка од 5,7 милиони евра, што е зголемување за 4 отсто во однос на една
година претходно.

Но, компанијата
остварила многу помали финансиски приходи, од само 70 илјади евра, во однос на
финансиските расходи кои достигнале ниво од дури 936 илјади евра, и чии раст е
за 41 процент, па поради нивната многу поголема висина од финансиските приходи,
на крај излегува дека добивката пред оданочување била 4,8 милиони евра, а после
плаќањето на данокот таа е 4,5 милиони евра, што е всушност скромен раст од 3
проценти.

Посебен осврт
може да се даде на анализата на добивката според природата на трошоците, а кои
говорат дека трошоците за суровини и други материјали изнесувале 22,7 милиони
евра, и кај нив имало раст за 19 отсто, додека, пак, услугите со карактер на
материјални трошоци биле на ниво од 10,9 милиони евра.

А, компанијата
покажала грижа и за своите вработени, исплаќајќи им за плати и надоместоци сума
од вкупно 4,6 милиони евра, што е одличен раст за 13 проценти во однос на
истиот период од минатата година.

Тиквеш лани не подели дивиденда од добивката за 2023 година, а од компанијата нагласуваат дека парите отишле главно за инвестиции, на сума од 4,2 милиони евра.

Н.Н.Ф.