Столтенберг пред македонските пратеници рече дека јадел полнети пиперки и ја знае песната „Ринге ринге раја“
Шефот на НАТО Јенс Столтенберг попладнево се обрати пред македонските пратеници. Рече дека Западен Балкан има посебно место во неговото срце, бидејќи додека неговиот татко работел во амбасадата на Норвешка во екс СФРЈ тој често доаѓал тука. Се сеќава дека тука го јадел и првиот сладолед.
„Рингер рингер раја, песната која завршуваше со чуч или друг збор ја паметам. Сум јадел полнети пиперки и имам се уште многу пријатели низ Западен Балкан. Често доаѓам да ги посетам како норвешки политичар, но и како генерален секретар на НАТО Алијансата“, рече Столтенберг од говорницата во салата под куполата во македонскиот законодавен дом.
Во 2018 година бев тука за отворањето на улицата „Столтебергова“ која го носи името на мојот татко кој е почесен граѓанин на Скопје. Тоа беше признание за неговите напорни и напорните на мојата мајка за да им се помогне на повредените од земјотресот во 1963 година.
„Моите родители но и многу други беа трогнати, но во исто време ја координираа помошта која пристигнуваше од Норвешка, но и им помогнаа на многумина кои останаа без дом поради оваа природна катастрофа“, додаде Столтенберг.
Во својот говор рече ѝ дека неговите родители учестувале во трансформацијата на болницата Козле која и ден денеска се грижи за децата и е пример за модерна болница во регионот.
„Од тука затоа овој дел од светот е многу важен за мене. Но во исто време важен и за НАТО. Откако Југославија се распадна со комунизмот, вашата држава беше униактна, единствена, затоа што беше единствената држава која се здоби со независност без да биде пролеана ниту капка крв. И тоа е огромно достигнување и пример за другите“, заклучи Столтенберг.
