Столтенберг: НАТО во моментов не гледа никаква воена закана од Русија
НАТО во моментов не гледа никаква воена закана од Русија кон земјите-членки на блокот, изјави генералниот секретар на НАТО Јенс Столтенберг на прес-конференција во понеделникот во Брисел.
– Не гледаме непосредна воена закана од Русија против кој било сојузник на НАТО – рече тој, одговарајќи на новинарско прашање на оваа тема.
Столтенберг, сепак, нагласи дека НАТО мора да биде подготвен за закани од Русија и да остане буден. Според него, Москва во моментов не претставува закана за тој сојуз поради фактот што е преокупирана со Украина, пренесува ТАСС.
Во понеделникот, шведското знаме беше официјално истакнато во седиштето на НАТО во Брисел по неговото пристапување во Алијансата. Шведска стана 32-та членка на НАТО.
