Столе не издржа, Атлетико со гол во 90. минута до победа (ВИДЕО)

На гостувањето кај Атлетико, Рајо загуби со 1-2 иако до 90. минута имаше бод „в џеб“. Голот за победа го постигна Мемфис Депај на истекот од основниот дел од мечот, но впечаток е дека вина за него има и македонскиот репрезентативен голман Столе Димитриевски кој требаше подобро да реагира по неговиот млак удар.

Со оваа победа, Атлетико остана на третата позиција на табелата во Ла Лига, со ист број бодови како Барселона (47), а осум помалку од лидерот Жирона. Рајо е на 13. место со 24 бода.