СТАВАШ ПАРИ ВО АВТОМАТ И НАРАЧУВАШ СЀ ШТО ТИ ТРЕБА – во овој маркет нема трговци, прв таков отворен во центарот на Белград
Во Белград неодамна беше отворена првата продавница „Вендо бокс“, односно продавница без работници.
Станува збор за продавници за самопослужување во кои граѓаните можат да влезат во секое време, бидејќи се отворени 24 часа, и ги купуваат саканите артикли.
Првата продавница од ваков вид во Србија е отворена на белградската улица Призренска, веднаш штом се качите на ридот од Зелени венац.
Станува збор за продавница во која има автомати кои нудат грицки, пијалоци, кафе… а во истиот простор се наоѓа и автомат.
Овие машини работат така што граѓаните ја избираат саканата храна, по што се ставаат пари или се плаќа со картичка и машината го исфрла она што сте го избрале.
„Вендо бокс“ е млада франшиза, создадена пред година и пол во Унгарија, а досега веќе имаат отворено повеќе од 40 продавници, главно во Будимпешта, но и во други градови од таа земја.
