СТАПИЈА НА СИЛА УШТЕ ЕДНИ ЦАРИНИ – како дојде до ескалација на трговската војна меѓу САД и Кина

Кина најави дека ќе ги зголеми увозните давачки за американски стоки од 84 на 125 отсто, а одлуката ќе стапи на сила денеска – 12 април.Тоа е одговор на одлуката на американскиот претседател Доналд Трамп, кој претходно ги зголеми американските царини за кинески стоки на вкупно 145 отсто.

„Доколку САД продолжат да воведуваат царини за кинески стоки што се извезуваат во САД, Кина ќе го игнорира“, се вели во соопштението на Државниот совет на Кина, според Ксинхуа. Според властите во Пекинг, наметнувањето на уште повисоки американски царини за кинески стоки „веќе нема да има економска смисла“ и би станало „шега“ во историјата на светската економија, пренесува CNBC.

Откако Кина дополнително ги зголеми царините за американскиот извоз денес, еве брз преглед на тоа како настанала оваа ситуација:

1 февруари: Доналд Трамп објави царина од 10 отсто за речиси сите кинески стоки што влегуваат во Соединетите држави.

4 февруари: Кина одговори со царини од 10 до 15 отсто за одредени американски производи.

4 март: САД ја удвојуваат царинската стапка за кинески стоки на 20 отсто.

2 април: Трамп објави дополнителна царина од 34 отсто за кинескиот увоз како дел од пошироката глобална тарифна стратегија, со што вкупната царинска стапка (вклучувајќи ги и претходните царини) на 54 отсто. Кина одговара со идентична мерка – царина од 34 отсто за повеќето американски стоки.

7 април: Трамп се заканува со дополнителни 50 отсто царини ако Кина не ги повлече контрамерките – вкупната стапка на царини достигнува 84%.

9 април: Кина објави дека ќе воведе царини од 8 отдто% за американските стоки почнувајќи од 10 април (наместо претходните 34 отсто). „Реципрочните“ тарифи на Трамп стапуваат на сила, а царините на Кина официјално се зголемуваат на 84%, за вкупно 104% царини. Трамп потоа најавува дека царините за кинески стоки ќе се зголемат на 125%, со што вкупната стапка (вклучувајќи ја и првата од февруари) на 145%.

11 април: Пекинг ги потврди тарифите од 125% за американските стоки и вели дека нема да одговори на дополнителни зголемувања.